Igluqpamik munariniq havaakhaq kaantranga Kaanatami Tununganiqpaani Qauyiharvikmut

Kaanatami Tununganiqpaani Qauyiharvik (CHARS) havakvinga nunaryuaptiknit tamainnit-nakuuqpiaqtuq Ukiuqtaqtumi ihivriurvik pipkaidjutiyuq nakuutqiamik ihivriurniqmik unalu ihivriuqtauqttaaqtuq Kaanataup Ukiuqtaqtuninnganut. Quulitqiamik piqaqtuq ihivriurvingit unalu ilitariyauyuq igluqpak pipkaidjutigiyaa ihariagiyauyuq inikhamik, tamayangit unalu ihivriuqtauniqmut pittaarniq ihivriuqtiuyunut ahinit qaiyullu hunavaluknik ihivriuqtiuyunik pigiami nalunaqtunik naunaiyainiq Ukiuqtaqtumi, pikmagulu aippaanit aadlatqiimut ilangit ittut ihivriurviuyut.

CHARS nutaaqpianguyuq igluqpak ungahiktumit, nalunaqtumik akhuuqtumiklu ukiuqtaqtumi avatingani. Una CHARS iliharvigjuangat ilaliutauhimajut pingahuujut ilaliutiqarluaqtut:

Havakvinga ukkuiqtauyuq August 2019-mi.

Nutaaq akuniraaluk Munariyuq Igluqpanik Nakuuyaakhaanik Aulapkaiyuq havaangit kaantrakhaq

Nunagiyamini Ihuarhaiyiuyuq Kavamatkut Igluqpanik Pigiami Munarittiaqtumik Kaanata (PSPC) pipkaidjutigiyaat havauhikhamut munriniq unalu pigiami munarittiaqtumik havaangit Kuinmit-Nunaqaqqaarhimayut unalu Inuuliriyiitkut Kaanatami unalu Ukiuqtaqtumi Qauyihimanuaqvia Kaanatami qanurittukhamik igluqpiliurninnga CHARS-mik. Unalu, PSPC munariyaillu Munariyuq Igluqpanik Nakuuyaakhaanik Aulapkaiyuq havaangit pipkaidjutigiyaat havakvikmut ublumimut. Una nutaaq akuniraaluk kaantrakhaq naunaiqtaa hapkuat havaangit ikayurhimmaarniaqtaa aulapkaininnganik havakvinganik.

Amihut hunavaluknik havaangit tuniyauniaqtuq titiraqhimayumi nutaami kaantrakhaq, unalu Igluqpanganik aulapkaininnga hunavalukniklu ihuarhainiq; munariluni hivayaqtaugumik ikayuqtukhaq hunavaluklu; qilamiuqtuqaliqqat havaktukhaq; naunaitkutariyauyuq-piplugu havaangit; halummaqhaiyi igluqpami piyakhangit; hiniktarvininnganut munariniq; naunaiyaiyiit havalirumik qayangnaqtumi kaasiliimit puyuqmi; avatinganut munariniq; munariniq iglup aulapkaidjutinganik; naunaiyainiq tamayanganik tamna atuqtuq puyunganit ahinunngaqtittiyumik akuliaminit; igluqpinganik munariniqmut ihumaliurniq; igluqpinganik atan’nguanga havaktinganut naunaiyaiyuq qanuqtut ittuq havaanga; amigaitpallaangittunik hunavaluknik ihuarhainiq. Kaantranga piniaqtuq June 1, 2021-mit, September 30, 2026-mut, unalu pingahunik kitumik piumayarnik malruuknik ukiunik tamarmik, tamna piyakhanganik kaantraknik igluqpamut atan’nguyakhaq havaaq.

Pigiami Munarittiaqtumik havaaq

PSPC munariyait pigiami munarittiaqtumik havaaq, angirutigiplugu maliktakhangit pigiami Niuvrutauvaktut piqutit unalu Ikayuutiit pitqutigiquplugu kaanataup inungit ihariagiyamiknik havakvingit timiqutigiyauyullu nakuutqiamik akinganik Kaanatamiutanut. Naunaiqtavut angirutiyuq kaantraliqinirmut munariyauyuq ihuaqtumik piinarialaqihimapluni, ihuaqtumik takunnaqtumiklu havaaq, taimaa Kaanatamiutat pigiamikni nakuutqiamik akinga maniknik atuqtamiknik pitqutigiquplugu.

Havaakhat tuniyauyuq titiraqhimayumi uumani kaantranganit tuniyauniaqtuq Nunavunmi, tamna Pigiami Munarittiaqtumik havaanga pipkaidjutigiyuq Angirutinganut Ukunanit Inuinnait Nunavunmi Nunagiyanganit unalu Nan’ngariyauyuq Kuin Pilaqutinganit Kaanatamut (tamna Nunavut Angirutinga) unalu Maliktakhat Kavamatkut Kaantrangit, unalu Aadlat Pilaqutingit aturiami Nunanganik, Igluqpangit, Tunngavingit, Nunavut Nunagiyanganit. Talvuuna, nakuuyuq havaanga kikliqaqtuq Atiliurhimayunut Inuinnait Havakvingit, Inuinnait nanminiriyangit atiliurhimayut Nunavut Tunngavitkunni.

Nunavut Arctic Services-kut akimayuq uuktuqtuq. Apirhuutinga Tukhiutinut ilagiyanganik uumani Pigiami Munarittiaqtumik havaanga, tuniyut Inuinnait Ikayuutikhamiknik Ihumaliurut naunaipkarhugu qanuqtut havaktiliqniaqtut Inuinnainnik, ilaupkarlugit Inuinnait ayuittiaqtut havaangit, aturlutik Inuinnainit niuvrutigiyut, tunilutik havaktilluni ayuirhaivikhanganik ayuitaminikluuniit pivallianiq Inuinnauyunut havaktunut. Tukhiutiminiklu, naunaiyaqtait qanuqtut piniaqtait Nunavut Ikayuutikhamiknik Naunaitkutingit, unalu ilaupkaininnga atan’nguyaqarvinganik, aulapkaiyut titiqqiqivinga havakvinga aadlalluuniit igluqpat, unalu kitut havakviit havaariyait havakvikmut angitqiamit havauhikhamut, ittut Nunavut Nunagiyangani.

PSPC ilaupkaiyuqlu ihuaqtumik aadjikutariiktumik munariniq tunigiami ihuaqtumik, pingahuyut ilauyumut ulapiqutigiyuq uumunnga Pigiami Munarittiaqtumik havaanga. Ublumimut, piittuq ihuarniqmut ihumaaluutigiyangit naunaiyaqtait, kingulliqpaangalu taiguagakhaq iniqtiqtauniaqtuq inungnut taiguagakhaminik talannga apirhurninngit ihivriurninngit akimangittut uuktuuqtut iniqtaugumik.

Date modified: